Dırnaqlarımızın daha sağlam və səliqəli olmağı üçün onlara mütləq qulluq etməliyik. Xüsusilə, fəsil dəyişikliyi vaxtında dırnaqlarımız lap həssaslaşıb soyulur və qırılır😟 Bu kimi problemlərin qarşısını almaq üçün dırnaq bazaları bizim köməyimizə gəlir. Dırnaq bazaları bizi səliqəli dırnaqlara qovuşdurmaqla bərabər, bir çox başqa məqsədlər üçün də istifadə olunur.
Dırnaq bazası – birbaşa dırnağa tətbiq olunan şəffav bir boyadır. Bu bazaların fərqli-fərqli növləri də var➡️dırnaqları möhkəmləndirən, dırnaqların saralmağının qarşısını alan, dırnaqları sürətlə uzadan bazalar və s.
Dırnaq bazası əsasən dırnaq boyasından əvvəl tətbiq olunur ki, dırnaq boyasındakı zərərli maddələr dırnaqları zədələməsin. Həm də bəzən dırnaqlarımız kələ-kötür formada ola bilir. Baza tətbiq etdikdə isə hamarlaşır və dırnaq boyası dırnaqlarda daha gözəl görünür😍
Əgər dırnaq boyası çəkməyi sevmirsinizsə və dırnaqlarınızın sadə görünməyini istəyirsinizsə, yenə də dırnaq bazaları sizin köməyinizə çatır☺️ Təkcə dırnaq bazası tətbiq olunmuş dırnaqlar daha parlaq və səliqəli görünür👍🏼